A.F.A.E.S. noticias

O CONCELLO DE NARÓN RENOVA, O PASADO 12 DE NOVEMBRO, O COMPROMISO DE COLABORACIÓN COA ENTIDADE AFAES PORTA NOVA

Mediante sinatura efectuada polo alcalde de Naron José Manuel Blanco e o presidente de AFAES, Félix Pena Calvo. Acto no que tamén estivo presente a concelleira de Promoción Social e Igualdade, Teresa Sabio (responsable do convenio de AFAES)

Ábrese unha nova liña de coordinación entre ambos entes que en base a diversas reunións de traballo mantidas, vaise a materializar para o próximo convenio nun incremento de 3000 € na apartación económica municipal.

A Asociación de Familiares Amigos e Persoas con Enfermidade Mental AFAES Porta Nova recibirá unha axuda económica de 7.000 euros da administración local, unha cantidade que a compromete a organizar actividades de intervención social en colaboración e coordinación co departamento municipal de Servizos Sociais e tamén accións formativas destinadas a persoas que se deriven ó Centro de Rehabilitación Psicosocial dende o Servizo Galego de Saúde.

 

AFAES participa na mostra de "Cinema e Sociedade"

AFAES Porta Nova ven de participar na Mostra “Cinema e Sociedade” no concello de Ferrol xunto con diferentes asociacións do ámbito da diversidade funcional. Dende o pasado luns 9 ata o xoves 12, abordáronse temáticas como o autismo, síndrome de Down, a saúde mental ou a discapacidade física. Mediante a proxección dun documental ou película e o posterior debate tratouse de contribuír a coñecer a realidade destas persoas e os seus familiares.

Así, o mércores 11 de novembro o responsable de Saúde Mental do CHUF, o director da asociación ASPANEPS (que leva, entre outros, o programa de saúde mental infanto-xuvenil da Área Sanitaria de Ferrol) e a directora de AFAES porta Nova debateron sobre distintas problemáticas que afectan as persoas con enfermidade mental, tanto na infancia como na idade adulta.

A Mostra Cinema e Sociedade quixo premiar, nesta edición do 2015, ao actor Javier Gutiérrez, que recibiu o premio Imaxe pola súa implicación social, e a Asociación Grupo Diversidade Funcional de Ferrol, que recibiu o premio Acción Social.

Modificado o (Venres, 20 Novembro 2015 10:32)

 
Máis artigos...
Idiomas
Galician (Galego)Español (spanish formal Internacional)
Acceso



Entidades colaboradoras
Memorias