A.F.A.E.S. noticias

4ª Edición dous cursos de formación para persoas en risco de exclusión social

AFAES Porta Nova vai a impartir tres accións formativas subvencionadas pola Consellería de Política Social (cofinanciada parcialmente polo Fondo Social Europeo e polo Fondo Europeo de Desenvolvemento Rexional) a través da Orde do 26 de abril de 2016. Ditas accións formativas van dirixidas tanto ao colectivo de persoas con enfermidade mental grave como a persoas en risco de exclusión social neste caso derivadas maiormente a través do Plan de Inclusión Social de Galicia-Equipo Comarcal de As Pontes.

As axudas económicas aprobadas e as características das accións formativas son as seguintes:

  • "Xardinería e limpeza de xardíns". Importe: 12.240 €. Horas teóricas e prácticas: 158 Número de alumnos: 10. Datas de realización: setembro - novembro 2016. As prácticas realizaranse, como en anos anteriores, en colaboración coa empresa de xardinería Arce S.L.
  • "Agricultura ecolóxica". Importe: 10.800 € Horas teóricas e prácticas: 140. Número de alumnos: 10. Datas: Principio do ano 2017. Para a realización das prácticas contarase coa colaboración de Agronuquel , explotación dedicada á produción de hortalizas ecolóxicas sita no concello de Neda.
  • "Lavandería e limpeza de inmobles". Importe: 8.100 €.. Horas teóricas e prácticas: 180 Número de alumnos: 8. Datas de realización: principios do ano 2017. Como en anos anteriores as prácticas realizaranse en Geriatros SAU (Narón).

En canto ó profesorado, os contidos específicos serán impartidos por profesionais (profesores de taller) da entidade AFAES Porta Nova, e na parte de contidos transversais contaremos coa colaboración dos técnicos do Equipo Comarcal de Inclusión de As Pontes.

altaltalt

Modificado o (Venres, 16 Setembro 2016 12:11)

 

AFAES PORTA NOVA A TRAVÉS DA CONVOCATORIA XERAL DE AXUDAS 2016 PARA ENTIDADES SEN FIN DE LUCRO DA DEPUTACIÓN DA CORUÑA, MANTEN EN FUNCIONAMENTO DISTINTOS TALLERES OCUPACIONAIS E COMPLETA O EQUIPAMENTO DO TALLER DE COCIÑA DO CENTRO OCUPACIONAL

As axudas económicas da Deputación da Coruña para o ano 2016 permiten que AFAES siga fomentando a inclusión sociolaboral das persoas con enfermidade mental crónica, concretamente a través de dous proxectos. Por un lado o proxecto de "Mantemento dos talleres ocupacionais do Centro de Rehabilitación Psicosocial e Laboral da entidade AFAES Porta Nova: encadernación, manualidades, abelorios e feltro, debuxo e pintura", financiado con 10.994,46 €.

O outro proxecto financiado con 7.390,28 € vai dirixido á “Mellora das infraestruturas e equipamentos do Centro Ocupacional Porta Nova”, cuxa finalidade é a ampliación da oferta formativa do Centro Ocupacional Porta Nova, mediante a habilitación dun espazo para a realización dun taller de cociña, proxecto o que se lle da continuidade, posto que fora iniciado no ano anterior, tamén coa finalidade do organismo provincial.

Modificado o (Mércores, 22 Marzo 2017 11:17)

 
Máis artigos...
Idiomas
Galician (Galego)Español (spanish formal Internacional)
Acceso



Entidades colaboradoras
Memorias